ირაკლი ალასანია: " NATO სახელმწიფოების და საზოგადოების დაცვაზე იქნება ორიენტირებული"!
საქართველოს თავდაცვის მინისტრმა ირაკლი ალასანიამ უელსში გამგზავრებამდე ჟურნალისტებს განუცხადა, რომ NATO-ს სამიტი კონცენტრირებული იქნება სამხედრო შესაძლებლობების გაზრდაზე.
მისივე განმარტებით, ასევე იგეგმება გარკვეული ნაბიჯების გადადგმა, რომ საქართველოს მისი ტერიტორიის და საზოგადოების დაცვისთვის ადეკვატური შესაძლებლობები მიეცეს.
" მთელი სამიტი კონცენტრირებული იქნება სამხედრო შესაძლებლობების გაზრდაზე, როგორც NATO-ს წევრი ქვეყნების, ისე ამ შემთხვევაში საქართველოსი, ასევე თავდაცვის სამინისტროს რეფორმებსა და შეიარაღებული ძალების გაძლიერებაზე. გარდა ამისა, როგორც მე მაქვს ინფორმაცია, იგეგმება გარკვეული ნაბიჯების გადადგმა, რომ საქართველოს ჰქონდეს ის შესაძლებლობები, რაც ადეკვატური იქნება ჩვენი ქვეყნის ტერიტორიის და საზოგადოების დაცვისთვის", - განაცხადა ალასანიამ.
