დუშეთის არქეოლოგიური ბაზის ქურდი დაკავებულია

 სამინისტროს ინფორმაციით, სამართალდამცველებმა 1984 წელს დაბადებული, წარსულში ნასამართლევი თემურ ვ. იმ დროს დააკავეს, როდესაც ის დუშეთში ნაქურდალი ნივთებით გადაადგილდებოდა. გამოძიებამ დაადგინა, რომ დაკავებული საქართველოს ეროვნული მუზეუმის დუშეთის არქეოლოგიურ ბაზაში დარაჯად მუშაობდა, საიდანაც 2014 წლის აპრილ-მაისში სხვადასხვა სამუზეუმო ექსპონატი მოიპარა. ნაქურდალი ექსპონატები ამოღებულია ნივთმტკიცებად. გამოძიება ქურდობის ფაქტზე მიმდინარეობს.