მთავრობის ადმინისტრაციაში უსაფრთხოების საკითხებსა და რეგიონში მიმდინარე პროცესებზე იმსჯელეს

   საქართველოს პრემიერ-მინისტრ ირაკლი ღარიბაშვილის ხელმძღვანელობით, მთავრობის ადმინისტრაციაში სახელმწიფო უსაფრთხოებისა და კრიზისების მართვის საბჭოს სხდომა გაიმართა.

  სხდომაზე ქვეყანაში მიმდინარე პროცესები განიხილეს და უსაფრთხოების საკითხებსა და რეგიონში მიმდინარე პროცესებზე იმსჯელეს.

  სხდომას პარლამენტის თავმჯდომარე, თავდაცვის მინისტრი, შინაგან საქმეთა მინისტრი, სახელმწიფო მინისტრი ევროპულ და ევროატლანტიკურ სტრუქტურებში ინტეგრაციის საკითხებში, საგარეო საქმეთა მინისტრის მოადგილე, დაზვერვის სამსახურის უფროსი, სახელმწიფო უსაფრთხოებისა და კრიზისების მართვის საბჭოს ხელმძღვანელი დაესწრენ.