მაია ნიკოლეიშვილი: ფრთხილად კვესიტაძევ,თორემ სასამართლოში მოგთხოვენ პასუხს!
დამოუკიდებელი ექსპერტი მაია ნიკოლეიშვილი ეკა კვესიტაძის გადაცემის ანონსსfacebook-ის საკუთარ გვერდზე ეხმაურება.
მისი თქმით, პიროვნებები, რომლებიც ფარულ ჩანაწერებში ფიგურირებენ, უკვე გასამართლებულები არიან, ხოლო ჩანაწერები "ნაციონალური მოძრაობის" მმართველობის დროსაა გაკეთებული.
"ახლა ვუყურე ეკა კვესიტაძის "შაპკას" შაბათის გადაცემისთვის. ძველი, "ნაციონალების" დროინდელი კადრები და აუდიოჩანაწერები იმ პირებისა, ვინც უკვე გასამართლებულია, თან კანონის მთელი სიმკაცრით, ჩემი აზრით ზედმეტადაც და ზოგ შემთხვევაში დაუსაბუთებლადაც. ამ საქმეებთან პროფესიული შეხება მქონდა, და ვიცი, რა ხდებოდა და სად იყო არაობიექტურობა. ფრთხილად, კვესიტაძევ, არ გადაამლაშო ტყუილებით, თორემ "ნაციონალების" დრო აღარაა, სასამართლოში მოგთხოვენ პასუხს", - წერსა ნიკოლეიშვილი.
