გიორგი კვირიკაშვილი: თურქეთთან ორმხრივი ინვესტიციების დაცვის ხელშეკრულების გაფორმებას დავაჩქარებთ!
საქართველოს პრემიერმინისტრის ირაკლი ღარიბაშვილისა თურქეთის პრეზიდენტის რეჯეფ ტაიპ ერდოღანის შეხვედრის შესახებ კომენტარი საქართველოს ეკონომიკის მინისტრმა გიორგი კვირიკაშვილმა გააკეთა.
"დავაჩქარებთ ორმხრივი ინვესტიციების დაცვის ხელშეკრულების გაფორმებას თურქეთთან. წინასწარი სამუშაო უკვე ჩატარებულია ამ მიმართულებით.
მოგეხსენებათ, რომ ბოლო პერიოდში ჩვენ განვაახლეთ ოცდაათზე მეტი ასეთი ტიპის ხელშეკრულების გაფორმება და ერთერთი პირველი იქნება თურქეთი, ვისთანაც ჩვენ უახლოეს მომავალში გავაფორმებთ ასეთ ხელშეკრულებას, რაც ხელს შეუწყობს ორმხრვი ინვესტიციების ზრდას",-განაცხადა კვირიკაშვილმა.
შეგახსნებთ, რომ საქართველოს პრემიერმინისტრი ირაკლი ღარიბაშვილი თურქეთის პრეზიდენტს რეჯეფ ტაიპ ერდოღანს შეხვდა. პრემიერის პრესსამსახურის ცნობით, სავაჭრო და ეკონომიკური ურთიერთობები- ეს იყო ძირითადი თემები, რაზეც ორი ქვეყნის ლიდერმა ისაუბრა.
