ვის დარჩება tv-25?!
საქართველოს პარლამენტის არჩვენების ჩავლის შემდეგ საზოგადოებისთვის ცნობილი გახდა რომ მიმდინარე წლის მარტში ტელეკომპანია ტვ 25- გასხვისდა. აღნიშნულთან დაკავშირებით საზოგადოებაში სხვადასხვა აზრი არსებობს. მათ შორის ურთიერთ გამომრიცხავიც.
როგორც "ივერიონისთვის" გახდა ცნობილი ტელეკომპანიის ერთ-ერთი მეპატრონე ლევან ქარდავა ტელეკომპანიის თავდაპირველი დამფუძნებლებისთვის 49 პროცენტიანი წილის დაბრუნებას აპირებს.
როგორც ტვ 25 _ის ერთ-ერთმა დაფუძნებელმა გია სურმანიძემ "ივერიონთან" საუბრისას განაცხადა: "ორშაბათს ჩვენ გადმოგვეცემა ტელეკომპანიის 49% პროცენტი. ეს ყველაფერი განხორციელდება კანონის სრული დაცვით. ჩვენ ლევან ქარდავას დავუბრუნებთ მის მიერ გადახდილ თანხას. მართვის უფლება კი 51%-ის მფლობელს ბათუმელ ბიზნესმენს ჯემალ ვერძელაძეს ექნება".
მისი თქმით, ეს ჯერჯერობით სიტყვიერი შეთანხმების დონეზეა, ხოლო სამშაბათისთვის გახდება ცნობილი, თუ ვის დარჩება ტელე კომპანიის 49%"_განაცხადა გია სურმანიძემ.
ტელეკომპანია ტვ 25 ბათუმში მაუწყებლობს და ის აჭარის ავტონომიური რესპუბლიკის მთელ ტერიტორიას ფარავს.
შეგახსენებთ, რომ ლევან ქარდავა საქართველოს პარლამენტის მაჟორიტარი წევრია წალენჯიხის რაიონიდან.
ვალერი ვახანია
