ბათუმი _ ქართული ლას ვეგასი
რამდენიმე დღის წინათ დამტკიცდა აჭარის მთავრობა არჩილ ხაბაძის ხელმძღვანელობით. საინტერესოა ახალი მთავრობის ხედვა რეგიონში ტურიზმის განვითარებასა და ინვესტირებაზე. ამასთან დაკავშირებით არჩილ ხაბაძემ "ბიზნეს კურიერისთვის" მიცემულ ინტერვიუში ისაუბრა.
"ჩვენი რეგიონისთვის მნიშვნელოვანია საშუალო დონის ტურისტების მომსახურება. ბათუმის ბიუჯეტში ყოველწლიურად 24 მილიონი შემოდიოდა, აქედან 8 მილიონი _ სათამაშო აპარატების ბიზნესიდან. აჭარაში, გარდა ზღვის სეზონისა, ტურიზმის განვითარება სხვა მიმართულებითაც შეიძლება. ასეთია სათამაშო აპარატების და კაზინოების ბიზნესი", _ აცხადებს აჭარის მთავრობის ხელმძღვანელი არჩილ ხაბაძე.
