მაია ფანჯიკიძემ თანამდებობა და "ქართული ოცნება" დატოვა
საქართველოს საგარეო საქმეთა მინისტრმა მაია ფანჯიკიძემ თანამდებობა დატოვა. საგარეო უწყების უკვე ყოფილმა პირველმა პირმა საკუთარი გადაწყვეტილების შესახებ რამდენიმე წუთის წინ სპეციალურად გამართულ ბრიფინგზე გააჟღერა.
საქართველოს საგარეო საქმეთა მინისტრ მაია ფანჯიკიძესთან ერთად თანამდებობები დატოვეს მისმა მოადგილეებმა: დავით ზალკალიანმა, თამარ ბერუჩაშვილმა, ლევან გურგენიძემ და დავით ჯალაღანიამ. ამასთან, როგორც მაია ფანჯიკიძემ განაცხადა, მან ასევე დატოვა "ქართული ოცნების" რიგები.
