"რეფორმატორები" ენგურის ხიდთან არიან
"რეფორმატორებმა" აქცია "მივუახლოვდეთ აფხაზეთს" ზუგდიდში უკვე ჩაატარეს და ამ წუთებში ენგურის ხიდთან არიან. აქ შეკრებილია აქციის 250-მდე მონაწილე, ისინი მშვიდობიანი მსვლელობით საზღვართან ახლოს მიემართებიან.
-"ახლა ვართ ენგურის ხიდზე, ვაპროტესტებთ რუსეთსა და აფხაზეთს შორის ხელშეკრულების გაფორმებას და მხარდაჭერას ვუცხადებთ ჩვენს აფხაზ ძმებს, რომელთაც არ სურთ რუსეთთან ურთიერთობა"-აცხადებს აქციის ერთ-ერთი მონაწილე, ბექა ცხადაძე.
"თბილისიდან" ჩასულ რეფორმატორებს აქციის მონაწილეები ზუგდიდიდან, ქუთაისიდან და ბათუმიდან შეუერთდნენ.
აქციის მონაწილეებს გაშლილი აქვთ ლოზუნგი-"ნუ მივატოვებთ ერთმანეთს, როცა ერთმანეთს ვჭირდებით".
