ბიძინა ივანიშვილი: კოალიცია ხელისუფლებაში სასამართლოს დეპოლიტიზებისთვის მოვიდა და იგივეს აღარ გაიმეორებს!
კოალიცია ხელისუფლებაში სასამართლოს დეპოლიტიზებისთვის მოვიდა და იგივეს აღარ გაიმეორებს. აღნიშნული განცხადდება ყოფილმა პრემიერ-მინისტრმა ბიძინა ივანიშვილმა "მოამბესთან" ექსკლუზიურ ინტერვიუში გააკეთა.
ივანიშვილის განმარტებით, დღეს "ნაციონალური მოძრაობის" მიერ ქვეყნის გარეთ გაკეთებული განცხადებები საქართველოს ინტერესებს აზიანებს.
"დასავლეთში ჩნდება კითხვები, იმიტომ რომ აქედან იგზავნება სიგნალები და ამანაც დაგვაზიანა. ასეთ განცხადებებს მუდმივად აკეთებს "ნაციონალური მოძრაობა", რომელსაც აქვს ქულები დაწერილი, ლობირებას ჩვენი ნაძარცვი ფულებით ახერხებდა და ატყუებდა ევროპას და ამერიკას. საუბედუროდ, დღესაც აქვთ მათ გავლენა მოვლენების შეფასებაზე და მცდარი ინფორმაცია, რომელიც გადის ქვეყნის გარეთ - გვაზიანებს,"- აღნიშნა ბიძინა ივანიშვილმა.
