ირაკლი ღარიბაშვილი:-"ეს ჩემი მხრიდან სათქმელი არ იყო"
პრემიერმა თავდაცვის ყოფილ მინისტრს ერთი ავანტურისტი, უჭკუო, ამბიციური მინისტრი უწოდა, რაზეც ბიძინა ივანიშვილმა თავისი შეფასება "მოამბის" პირდაპირ ეთერში გააკეთა.
პრემიერი ბიძინა ივანიშვილის განცხადებას, რომელიც თავდაცვის ყოფილი მინისტრის მიმართ გამოთქმულ მოსაზრებებს ეხებოდა გამოეხმაურა და განაცხადა, რომ თავადაც არ მოეწონა თავისი ნათქვამი, თუმცა შეფასებებში შეუძლია ნებისმიერ ადამიანს შეედავოს.
"მე ტყუილს არ ვკადრულობ და საჯაროდ არასოდეს მითქვამს. მეორე საკითხია, უნდა მეთქვა თუ არა ასე. მეც არ მომეწონა ჩემი სიტყვები, თუმცა თუ შეფასებებში ვიდავებთ, შემიძლია ნებისმიერ ადამიანს შევეკამათო, მაგრამ რა თქმა უნდა, ეს ჩემი მხრიდან სათქმელი არ იყო", - განაცხადა ღარიბაშვილმა.
