მნიშვნელოვანია თუ რამდენად დამოუკიდებელია დამცავი საშუალებები
ამერიკის შეერთებული შტატების ელჩი საქართველოში რიჩარდ ნორლანდი ფარული მოსმენების შესახებ კანონპროექტზე საუბრობს.
"მოსმენების თემა მნიშვნელოვანია ყველა ქვეყანაში და ამაზე საჯარო დებატები ინიშნება. რასაკვირველია, ეს თემა საქართველოშიც აქტუალურია პოსტსაბჭოთა გამოცდილების გათვალისწინებით. ყველა ქვეყანას საკუთარი მოდელი აქვს, რომელიც მისთვისაა სასარგებლო. მნიშვნელოვანია არა ის წყარო, სადაც დაკვირვება ხორციელდება, არამედ რამდენად დამოუკიდებელია დამცავი საშუალებები.
აშშ-ში კი ისეთი პრაქტიკა გვაქვს, რომ გადაწყვეტილებას დამოუკიდებელი მოსამართლე იღებს, მოსმენის ნებართვის გაცემაზე. დარწმუნებული ვარ, რომ ქვეყანა გამოიმუშავებს ისეთ მოდელს, რომელიც მისთვის იქნება სასარგებლო." - განაცხადა ნორლანდმა.
