დავით უსუფაშვილი: მსგავსი ფაქტები მყისიერად უნდა იქნეს გამოძიებული!
საქართველოს პარლამენტის თავმჯდომარე სასჯელაღსრულების #8 დაწესებულებაში პატიმართა ცემის ფაქტთან დაკავშირებით კომენტარი გააკეთა.
მისი თქმით, მსგავსი ფაქტები მყისიერად უნდა გამოიძიონ
"ამდაგვარი ფაქტები უნდა იქნეს ისე სწრაფად და მყისიერად გამოძიებული, როგორც ეს დაიწყო. როგორც ვიცი, ყველა უწყება ჩართულია, ვინც უნდა იყოს ჩართული. დაველოდოთ შედეგებს", - აღნიშნა დავით უსუფაშვილმა.
პარლამენტის თავმჯდომარის განმარტებით, გამოძიების პროცესში ყველა შესაბამისი უწყება ჩართულია.
