ვის ემტერება რეზო ამაშუკელი და როგორ ავიცილოთ მზაკვრული ღალატი!
ამ ბოლო ხანებში სკანდალური განცხადებებით ცნობილი ქართველი პოეტი რეზო ამაშუკელი ქვეყანაში მიმდინარე პოლიტიკურ პროცესებს აფასებს და საზოგადოებას ხმამაღლა აფრთხილებს:
„მე პირადად დარწმუნებული ვარ, რომ იმ მოვლენების სცენარი, რომელიც ამ ბოლო დროს განსაკუთრებით სწრაფად ვითარდება, ბევრად ადრეა დაწერილი და მას რამდენიმე ავტორი ჰყავს _ „ნაციონალები“, „რესპუბლიკელები“, „ალასანია თავისი გუნდის ნაწილით და ის მეტიჩარა არამკითხე მოამბეები - კარგად გაწრთვნილი ახალგაზრდა იურისტთა ასოციაცია და სხვა არასამთავრობო ორგანიზაციები, რომლებიც ყოველთვის უნისონში ღნავიან“.
ამაშუკელი უკმაყოფილიოა მარგველაშვილის მიერ მოსმენების კანონპროექტისთვის დადებული ვეტოთი (მარგველაშვილს დაცინვით მთავარსარდელსაც ეძახის) და მისი აზრით, მათგან უფრო ბევრ, საშიშ და მოულოდნელ მოქმედებას უნდა ველოდოთ!
აქედან გამომდინარე, იგი მოუწოდებს საზოგადოებას გამოიჩინონ „დიდი სიფხიზლე და ერთიანობა, რათა თავიდან ავიცილოთ მზაკვრული ღალატი!“ _ წერს რეზო ამაშუკელი გაზეთ „ასავალ დასავალში“.
