კონსტანტინე კუბლაშვილი: როცა საუბარია პრეზუმფციის დარღვევაზე, იგულისხმება წულუკიანი!
უზენაესი სასამართლოს თავმჯდომარე ეუთო-ს მიერ საქართველოში სასამართლო პროცესის მონიტორინგის ანგარიშთან დაკავშირებით თეა წულუკიანის შეფასებას კონტრბრალდებით პასუხობს.
"ხელისუფლების წარმომადგენლების მხრიდან ძალიან ხშირად იმ პერიოდში გაკეთებულ განცხადებებს სასამართლოს და მოსამართლეების წინაღმდეგ, რომელიც არღვევდა და აკნინებდა უდანაშაულობის პრეზუმფციას, გავლენა ჰქონდა, რა თქმა უნდა, სასამართლოზე.
როცა დასკვნაში მოხსენიებულია, რომ პოლიტიკური ხელისუფლების წარმომადგენლები აკეთებდნენ განცხადებებს უდანაშაულობის პრეზუმფციის დარღვევით, პირველ რიგში, სწორედ თეა წულუკიანი იგულისხმება, დარწმუნებული ვარ", - განაცხადა უზენაესი სასამართლოს თავმჯდომარემ.
