კოტე კუბლაშვილი:"ასეთი კომისიების შექმნა ევროპული სტანდარტებისა და ჩვენი კონსტიტუციის პრინციპების საწინააღმდეგო იქნება"
სამართლიანობის აღდგენის მიზნით, პროკურატურაში სპეციალური დეპარტამენტის შექმნას მმართველი გუნდის ერთი ნაწილი უარყოფითად აფასებს. პრემიერის ამ ინიციატივას უარყოფითი შეფასება მოყვა უზენაესი სასამართლოს თავმჯდომარისგან.
"ზოგადად ასეთი კომისიების შექმნა არის აბსოლუტურად საწინააღმდეგო ყველანაირი კონსტიტუციური პრინციპისა, რაც კი ეხება როგორც სასამართლოს, ისე პროკურატურას. ამიტომ, ასეთი კომისიების შექმნა პირდაპირ ევროპული სტანდარტების და ჩვენი კონსტიტუციის პრინციპების საწინააღმდეგო იქნება",-აცხადებს კუბლაშვილი.
