Iverioni
«    აპრილი 2020    »
 12345
6789101112
13141516171819
20212223242526
27282930 
აპრილი 2020 (1)
მარტი 2020 (18)
თებერვალი 2020 (7)
იანვარი 2020 (2)
დეკემბერი 2019 (12)
ნოემბერი 2019 (18)
8-01-2015, 19:57
ნანახია: 1136

საგანგებო თათბირი სახელმწიფო უსაფრთხოებისა და კრიზისების მართვის საბჭოში

   ამინდის გაუარესებასთან დაკავშირებით გზებზე არსებულ ვითარებასთან დაკავშირებით უსაფრთხოებისა და კრიზისების მართვის საბჭო განცხადებას ავრცელებს.

 

   "ამ მომენტისთვის მიმდინარეობს გაწმენდითი სამუშაოები გუდაური - ფასანაურის მიმართულებით. მოძრაობა აღდგენილია მლეთიდან გუდაურამდე. საგანგებო სამსახურები ინტენსიურად მუშაობენ ჯვრის უღელტეხილზე დარჩენილი ორი ლატვიელი ტურისტის დასახმარებლად. სტიქიის ზონებში მყოფი მოქალაქეები უზრუნველყოფილნი არიან საკვებით და პირველადი მოხმარების საგნებით.

   სახელმწიფო უსაფრთხოებისა და კრიზისების მართვის საბჭოს აპარატის კრიზისული სიტუაციების მართვის ეროვნულ ცენტრში მოქალაქეებს ოცდაოთხი საათის განმავლობაში შეუძლიათ, სტიქიის ზონებში შექმნილ ვითარებაზე ამომწურავი ინფორმაცია მიიღონ და დარეკონ შემდეგ ნომრებზე:

 

   3229909002355; 3229909002366 +995 577113331; +995 599550466" - ნათქვამია განცხადებაში.

 

   სახელმწიფო უსაფრთხოებისა და კრიზისების მართვის საბჭოს მდივანი დავით სუჯაშვილი გუდაურში იმყოფება და ადგილზე ეცნობა არსებულ მდგომარეობას. მისი გადაწყვეტილებით, გუდაურსა და სტეფანწმინდაში შეიქმნა საკოორდინაციო შტაბები.

 

   სუჯაშვილი საგანგებო თათბირს მართავს, რომელსაც ესწრებიან შინაგან საქმეთა მინისტრი ალექსანდრე ჭიკაიძე, რეგიონული განვითარებისა და ინფრასტრუქტურის მინისტრის პირველი მოადგილე გიორგი ამაშუკელი, მოადგილე გიორგი კობერიძე; კურორტების განვითარების სააგენტოს ხელმძღვანელი ალექსანდრე ონოფრიშვილი; გარემოს დაცვის და ბუნებრივი რესურსების; ენერგეტიკის; შრომის, ჯანმრთელობისა და სოციალური დაცვის სამინისტროებისა და ადგილობრივი მუნიციპალიტეტების წარმომადგენლები.