Iverioni
«    ივლისი 2020    »
 12345
6789101112
13141516171819
20212223242526
2728293031 
ივლისი 2020 (4)
ივნისი 2020 (12)
მაისი 2020 (13)
აპრილი 2020 (16)
მარტი 2020 (18)
თებერვალი 2020 (7)
25-02-2015, 11:36
ნანახია: 727

ალექსანდრე მარგიშვილი  თანამდებობიდან გათავისუფლდა

თბილისის მერმა, დავით ნარმანიამ, დედაქალაქის მთავრობის დღევანდელ სხდომაზე განაცხადა, რომ  ალექსანდრე მარგიშვილი თბილისის მერის მოადგილის თანამდებობიდან გათავისუფლებულია.

თბილისის მერის დავით ნარმანიას თქმით, მარგიშვილი  მარტიდან "მეწარმეობის ხელშეწყობის ცენტრს" უხელმძღვანელებს.

"დაინტერესებულ ინვესტორთა მხარდაჭერა, ბიზნესსაქმიანის ხელშეწყობა მთლიანად მნიშვნელოვანია დედაქალაქის ეკონომიკის განვითარებისა და ზოგადად, დედაქალაქის განვითარებისათვის. "მეწარმეობის ხელშეწყობის ცენტრი" იმუშავებს იმაზე, რომ მოემსახუროს ინვესტორებს, წაახალისოს მათი საქმიანობა, დაეხმაროს კაპიტალდაბანდებების განხორციელებაში. მარტის პირველ ნახევარში შეიქმნება ასეთი ცენტრი, რომელსაც ჩემი დავალებით  ალექსანდრე მარგიშვილი უხელმძღვანელებს. მას შემდეგ, რაც შეიქმნება ცენტრი და მარგიშვილი გახდება ამ ცენტრის ხელმძღვანელი, ის აღარ შეასრულებს ვიცემერის მოვალეობას," - განაცხადა დავით ნარმანიამ.

რაც შეეხება მერის მეორე მოადგილეს - გიორგი ხელაიას, მერიაში აცხადებენ, რომ საკადრო ცვლილება მას არ ეხება.

შეგახსენებთ, გუშინ,  მერიაში საკადრო ცვლილებებთან დაკავშირებით ინფორმაცია გავრცელდა.  კერძოდ, კი საუბარი იყო მერის მოადგილეების ალექსანდრე მარგიშვილისა და გიორგი ხელაიას გადადგომის შესახებ.