"თავდასხმა" "ეროვნულ ბანკზე"-რას ურჩევს ქადაგიძე ხელისუფლებას?

"მინდა მოვუწოდო ხელისუფლების, მმართველი კოალიციის წარმომადგენლებს, მყისიერად შეწყვიტონ თავდასხმა "ეროვნულ ბანკზე." ასეთი თვდასხმები ვნებს და აზიანებს, ურტყამს ქვეყნის ეკონომიკას და ვნებს ინვესტორების განწყობას," - ეს განცხადება "ეროვნული ბანკის" პრეზიდენტმა გიორგი ქადაგიძემ საგანგებო პრესკონფერენციაზე გააკეთა. 

ქადაგიძის თქმით, ახლა არ არის გადაბრალების დრო, არ არის "განტევების ვაცის ძებნის დრო."

"დროა სწრაფი და ეფექტური ნაბიჯების განხორციელებისა, რომლის მიზანიც სავალუტო შემოდინებების გაზრდაა, რაც ლარის კურსის შემდგომ გამყარებას გამოიწვევს," - ამბობს ქადაგიძე.