ზვიად ნოდია: მთავარია თავიდან ავიცილოთ რელიგიური გარყვნილება-ეკუმენიზმი!
"ანტიდისკრიმინაციული ჰო, მაგრამ ანტიეკუმენისტური კანონი უნდა იყოს უმთავრესი მოთხოვნა... ცალმხრივად, რას გადაყევით 666-იან ჩიპებს და ანტიდისკრიმინაციულს?
კი, უყურადღებოდ არ უნდა დავტოვოთ, მაგრამ გიფიქრიათ, რომ ეს ფორმალური ღონისძიებაა? ანუ, დაშინდებიან, ჩაძვრებიან სოროებში და სექს და სქეს გაუკუღმართებულობა მაინც გაგრძელდება...
გაგრძელდება, აგრეთვე, ჩიპიზაციაც, რაც არის ბიბლიური სამოქალაქო აღწერის(სწორედ მაშინ დაიბადა ქრისტე ბეთლემში) თანამედროვე და ისეთივე გაუკუღმართებული ფორმა, როგორიცაა - ერთსქესიანთა სექსკავშირი ( დავარქვათ აწი - ლგბტ სექსკავშირი და არა "თემი")...
ნეომონათმფლობელური პასპორტიზაციის თანამედროვე ფორმა ყოვლად მიუღებელია, არამარტო მართლმადიდებლებისათვის, არამედ, ნებისმიერი ადამიანისთვის, ვინაიდან - ირღვევა მისი უფლებები და რაც მთავარია - ჩიპი ორგანიზმში დაუშვებელია ჯანმრთელობის და ფსიქოლოგიური ზომბირების თვალსაზრისითაც...
მაგრამ, ეს მაინც მიეკუთვნება სამოქალაქო სფეროს("მიეცი კეისარსა კეისრისა") და ნუ ჩაანაცვლებთ რელიგიურში("მიეცი კეისარს - ღვთისაც")...
დიახ, ეს მიუთითებს გამოცხადებისეული ნაწინასწარმეტყველები პერიოდის დადგომის შესახებ, ეს დროის ნიშანია, მაგრამ ეს არაა - მხეცის ნიშანი, რამეთუ ანტიქრისტეს ნიშანი უწინარესად რელიგიურია! ამიტომაც, თქვენი ბრძოლა ცალმხრივია და უფრო უარესიც - ყურადღება მოწყვეტილია მთავარს - ანტიეკუმენისტურ გაერთიანებას და ჩვენი ეკლესიის იზოლირებას ეკუმენისტური ევქარისტიისაგან, რაც თუკი წარმატებით გადავჭერით, მაშინ თავისთავად (ღმთისგან) გადაიჭრება სქესგაუკუღმართებაც და გაუკუღმართებული პასპორტიზაციაც.
შედარებისთვის: ერთსქესიანთა სექსკავშირი არაღმრთაებრივი წარმონაქმნია(რაც ღმრთისგან არაა - ის ეშმაკისგანაა), ყოველივე ბუნებრივის გაუკუღმართება და დამახინჯებაა, რასაც მოჰყვება ბუნებრივი კრახი - ფიზიოლოგიურ-ბიოლოგიური პოპულაციის ჩიხში შესვლა.... სამყარო, კიდევ, ისეა მოწყობილი ღმერთისაგან, რომ ბუნების გვირგვინის - ადამიანის დაცემა - გაუკუღმართება იწვევს სამყაროს ნგრევას(ამის მიკრომოდელია ბიბლიური "ნოეს კიდობანის" წყლის ძალისმიერი და "სოდომ-გომორის" ცეცხლოვანი წარღვნა), მაგრამ ამაზე უარესია ის, როცა ადამიანები სამოთხეში ვერ მიდიან, ანუ იყოს აღსასრული(რაც თითოეულისთვის გარდუვალია), მაგრამ სიცოცხლე გაგრძელდეს ცათა სასუფეველში - საამისოდ კი, საჭიროა თავიდან ავირიდოთ რელიგიური გარყვნილება - ეკუმენიზმი! სდექ მტკიცედ და შეურყევლად - იქ, სადაც ეგების და იცოდე - რას ებრძოლო!
