Iverioni
«    სექტემბერი 2019    »
 1
2345678
9101112131415
16171819202122
23242526272829
30 
სექტემბერი 2019 (1)
აგვისტო 2019 (5)
ივლისი 2019 (1)
ივნისი 2019 (11)
მაისი 2019 (14)
აპრილი 2019 (9)
31-03-2015, 17:36
ნანახია: 929

გოკა გაბაშვილი: „მთავრობას სხვა მმართველი ჰყავს არ ვიცი, სად არის ახლა, გრიგოლეთში, ჭორვილაში თუ სოლოლაკში“?

ნაციონალური მოძრაობის ერთ-ერთი ლიდერი, გოკა გაბაშვილი, მთავრობას პრეზიდენტის ინსტიტუტისადმი უპატივცემულობის გამო საყვედურობს და აცხადებს, რომ "დღეს არამხოლოდ პარლამენტის დარბაზში არ იმყოფება მთავრობა, არამედ დღეს ქვეყანას არ ჰყავს ის".

 

"დღეს ქვეყანას ჰყავს რამდენიმე შემსრულებელი ადამიანი ერთი კაცის ნებისა, რომელიც რასაც იტყვის და როგორც იტყვის, ისე იქნება. ის ერთი კაცი, ბიძინა ივანიშვილი, ძალიან კარგად მახსოვს, თქვენ დაგყვებოდათ საარჩევნო კამპანიის დროს და ერთ-ერთ წინასაარჩევნო პროცესის ამაღელვებელ მომენტში კალამიც კი გაჩუქათ. მაგრამ ეს კალამი გახდა სწორედ წყევლა საპრეზიდენტო ინსტიტუტისა. ეს ნდობა თქვენ მას არ გაუმართლეთ და სწორედ ეს გახდა საფუძველი იმისა, რომ დღეს ეს სკამები არის დარბაზში ცარიელი. მთავრობის მხრიდან კი ისმის ცინიკური კომენტარები, რომ მინისტრებს საქმე აქვთ და არ სცალიათ პარლამენტში მისასვლელად," - განაცხადა გოკა გაბაშვილმა. 

 

გაბაშვილის თქმით, დღეს ქვეყანას პრეზიდენტი ვერ მართავს. 

 

"მთავრობას სულ სხვა მმართველი ჰყავს. ის არის მმართველი. არ ვიცი, სად არის ახლა, გრიგოლეთში, ჭორვილაში თუ სოლოლაკში, მაგრამ თქვენ არა ხართ რეალურად განმსაზღვრელი პოლიტიკური პროცესების მიმდინარეობისა," - განაცხადა გოკა გაბაშვილმა.