ქართველი პედაგოგები შვეიცარიაში მიემგზავრებიან
ფიზიკის მასწავლებლები კვალიფიკაციის ასამაღლებლად ბირთვული კვლევების ევროპულ ორგანიზაციაში "ცერნში" გაემგზავრებიან . "მასწავლებლების პროფესიული განვითარების ცენტრის" ორგანიზებით პედაგოგები უცხოელ სპეციალისტთა ლექციებს მოისმენენ და პრაქტიკულ კურსსაც გაივლიან. ისინი ასევე გაეცნობიან მიმდინარე ექსპერიმენტებს.
მასწავლებლები შეირჩნენ როგორც თბილისიდან, ასევე თითქმის ყველა რეგიონიდან. არჩევა სერტიფიცირების ქულების მიხედვით მოხდა და ჯგუფში მხოლოდ უმაღლესი ქულების მქონე პედაგოგები შევიდნენ.
