დღეს ქართული ღვინის საღამო გაიმართება
საპატრიარქოსთან არსებული ახალგაზრდობის სულიერი და ინტელექტუალური განვითარების ცენტრის დარბაზში დღეს ქართული ღვინის საღამო გაიმართება.
საღამოს მევენახეობა-მეღვინეობის მკვლევარი გიორგი ბარისაშვილი წაუძღვება.
შეხვედრაზე ქართული ღვინის ტურიზმის თემა განიხილება, ასევე, გაიმართება წიგნის "წმინდა ილია მართალი ღვინის ქართული დაყენების შესახებ" პრეზენტაცია.
საღამო მიზნად ისახავს ქართული ღვინის პოპულარიზაციას.
ღონისძიებაზე დასწრება ნებისმიერ მსურველს შეეძლება.
