Iverioni
«    ივლისი 2020    »
 12345
6789101112
13141516171819
20212223242526
2728293031 
ივლისი 2020 (4)
ივნისი 2020 (12)
მაისი 2020 (13)
აპრილი 2020 (16)
მარტი 2020 (18)
თებერვალი 2020 (7)
12-10-2015, 21:23
ნანახია: 736

კახა კახიშვილი:  სამინისტრო არ მალავს და არც დამალავს დანაშაულს!

სასჯელაღსრულებისა და პრობაციის სამინისტროს ანგარიშის პრეზენტაცია სასტუმრო "რედისონში"  -  კახა კახიშვილის უწყებამ 3 წლის განმავლობაში სისტემაში განხორციელებული რეფორმების პრეზენტაცია გამართა. ღონისძიებას მთავრობის წევრები, ექსპერტები, არასამთავრობო ორგანიზაციების წარმომადგენლები და სხვა მიწვეული სტუმრები დაესწრნენ. სამინისტროს დაქვემდებარებაში არსებულმა თითოეულმა დეპარტამენტმა მნიშვნელოვანი ცვლილებებისა და ძირეული რეფორმების შესახებ დეტალური ანგარიში წარმოადგინა.

 

"ჩვენ უმძიმესი მემკვიდრეობა გვერგო 2012 წელს, ამაზე არ მინდა საუბარი, ყურადღებას არ შევაჩერებ. მთავარია, რომ ამ 3 წელიწადში მივაღწიეთ იმას, რომ ჩვენს უწყებაში სისტემურ დანაშაულს ადგილი არ აქვს. დღეს სისტემაში აღარ არის სისტემური დანაშაული! არ არის გამორიცხული, ცალკეული შემთხვევები მოხდეს, მაგრამ ეს არ არის სისტემური ხასიათის. რაც მთავარია, სამინისტრო ამას არ მალავს, არც დამალავს და ნებისმიერი დანაშაულის არსებობის შემთხვევაში ლოგიკურ დასასრულამდე მიიყვანს კონკრეტულ ფაქტს.

 

მეორე საკითხია, ინფრასტრუქტურული პროექტები, კვება, ჯანდაცვა - ის, რომ ამ მიმართულებით მნიშვნელოვანი პროგრესია, ყველანი დავრწმუნდით. ის, რომ სამოქალაქო კლინიკებში გადაგვყავს პატიმრები და პლასტიკურ ოპერაციებსაც ვუფინანსებთ, ესეც პროგრესია; ის, რომ პატიმართა რაციონი შედგება 12 მენიუსგან, ესეც პროგრესია; პროგრესია ასევე ის, რომ მივაღწიეთ, რამდენიმე დაწესებულების გამოკლებით, ევროპულ სტანდარტს კვადრატულ მეტრებთან დაკავშირებით. თუმცა, ეს იმას არ ნიშნავს, რომ მიღწეულით ვკმაყოფილდებით", - განაცხადა მინისტრმა კახა კახიშვილმა.