დავით ნარმანია: "აბრეშუმის გზის ფორუმი" უპრეცენდენტოდ მნიშვნელოვანი ღონისძიებაა

თბილისის მერის დავით ნარმანიას განცხადებით, "აბრეშუმის გზის ფორუმი" არის უპრეცედენტოდ მნიშვნელოვანი ღონისძიება.

"ეს არის უპრეცედენტოდ მნიშვნელოვანი ღონისძიება. საკმაოდ დიდი წარმომადგენლობითი ფორუმი, რომელსაც განსაკუთრებული მნიშვნელობა აქვს როგორც ქვეყნისთვის, ასევე დედაქალაქისთვის ინვესტიციების მოზიდვისა და ახალი ეკონომიკური პროექტების განხორციელების თვალსაზრისით. რიგი პროექტები არის, რომლებიც დაანონსებულია და მოლაპარაკებები აქტიურ ფაზაშია. არის პროექტები, რომელიც ამ ფორუმიდან გამომდინარე შეთანხმდება, შეჯერდება პარტნიოროებთან. შესაბამისად, გაიხსნება გზა ახალი მნიშვნელოვანი პროექტების განსახორციელებლად. მე ვფიქრობ, რომ მეორე დღის ბოლოს უფრო მეტი და დეტალური ინფორმაცია გვექნება მომავალში განსახორციელებელ პროექტებზე", - განაცხადა დავით ნარმანიამ.