Iverioni
«    აპრილი 2018    »
 1
2345678
9101112131415
16171819202122
23242526272829
30 
აპრილი 2018 (8)
მარტი 2018 (14)
თებერვალი 2018 (10)
იანვარი 2018 (7)
დეკემბერი 2017 (7)
ნოემბერი 2017 (10)
20-10-2015, 12:11
ნანახია: 7635

ვახტანგ კაპანაძე: ჯარისკაცის გარდაცვალების საქმეზე გამოძიებას შესაბამისი სამოქალაქო ორგანოები აწარმოებენ

თავდაცვის სამინისტროს ინფორმაციით, პირველი ბრიგადის ჯარისკაცის გარდაცვალების საქმეზე გამოძიებას სამოქალაქო ორგანოები აწარმოებენ. 

როგორც გენერალ-მაიორმა ვახტანგ კაპანაძემ ჟურნალისტებს განუცხადა, ვინაიდან შემთხვევა სამხედრო ნაწილის ტერიტორიაზე არ მომხდარა, გამოძიებას თავდაცვის სამინისტროს საგამოძიებო სამსახური არ ახორციელებს.

 

"პიროვნება მსახურობდა პირველ ბრიგადაში. თითოეული ახალგაზრდა სამხედროს დაღუპვა ძალიან სამწუხაროა, ვუსამძიმრებ ოჯახის წევრებს. ვინაიდან ახალგაზრდა დაიღუპა არა სამხედრო ნაწილის ტერიტორიაზე, გამოძიებას შესაბამისი სამოქალაქო ორგანოები აწარმოებენ", - განაცხადა ვახტანგ კაპანაძემ. 

 

რაც შეეხება ჯარში თვითმკვლელობის შემთხვევებს, კაპანაძის განმარტებით, თავდაცვის სამინისტრო ყველაფერს აკეთებს რათა მსგავსი ფაქტები შემცირდეს. 

 

კაპანაძის თქმით, ყველა დანაყოფში არის მოძღვრის ინსტიტუტი, ასევე შექმნილია საგანგებოდ ფსიქოლოგიური სამსახური, რომელიც აწარმოებს ჯარისკაცების შესახებ ინფორმაციის მოკვლევას და გასცემს გარკვეული ტიპის რეკომენდაციებს. 

 

საქართველოს შეირაღებული ძალების ჯარისკაცმა თავი მოიკლა. შემთხვევა თბილისში, გუშინ მოხდა. ჯარისკაცი ხიდიდან გადახტა. სამხედრო პირის მიერ სუიციდის ფაქტზე სამინისტრო დეტალებზე არ საუბრობს.