Iverioni
«    ნოემბერი 2019    »
 123
45678910
11121314151617
18192021222324
252627282930 
ნოემბერი 2019 (12)
ოქტომბერი 2019 (5)
სექტემბერი 2019 (1)
აგვისტო 2019 (5)
ივლისი 2019 (1)
ივნისი 2019 (11)
19-11-2015, 11:14
ნანახია: 843

სად გაემგზავრა თინა ხიდაშელი?

საქართველოს თავდაცვის მინისტრი თინა ხიდაშელი ორკვირიანი ვიზიტით, აშშ-სა და ევროპის ქვეყნებ ეწვევა, სადაც ოფიციალურ ვიზიტს გამართავს.

თავდაცვის მინისტრი კანადაში გამთენიისას გაემგზავრა, სადაც ახალი მთავრობის წარმომადგენლებს შეხვდება და უსაფრთხოების კონფერენციაში მიიღებს მონაწილეობას. 

 

თინა ხიდაშელი კანადიდან ნიუ იორკში გაემგზავრება და გაეროში სამშვიდობო მისიების ხელმძღვანელობას შეხვდება. ორკვირიანი ოფიციალური ვიზიტის ფარგლებში თინათინ ხიდაშელი ბელგიას, გერმანიასა და აზერბაიჯანსაც ეწვევა.

 

„ძალიან მნიშვნელოვანი ორი კვირა გვაქვს წინ. პირველ რიგში, ჰალიფაქსის უსაფრთხოების კონფერენციაზე მივდივართ. ეს კონფერენცია მსოფლიოში თავდაცვის მინისტრებისა და სამხედროების ერთ-ერთი ყველაზე დიდი თავშეყრის ადგილია. თავად ამ კონფერენციის ფარგლებში ორმხრივი შეხვედრა გვექნება კანადის ხელისუფლებასთან. იქ ახალი მთავრობა რამდენიმე დღის წინ დაინიშნა და ძალიან მნიშვნელოვანია თავდაცვის ახალი მინისტრთან ურთიერთობა. კანადა ჩვენი ერთ-ერთი მხარდამჭერი ქვეყანაა. ამიტომ, კრიტიკულად მნიშვნელოვანია ამ მხარდაჭერის შენარჩუნება და კიდევ უფრო გააქტიურება ნატოს ფორმატში, ისევე, როგორც ორმხრივ ფორმატში. შეხვედრას გავაგრძელებთ ნიუ იორკში, გაეროში სამშვიდობო მისიის ხელმძღვანელობასთან. შემდეგ უკვე გადმოვინაცვლებთ ევროპაში - ორმხრივი შეხვედრა გვექნება გერმანიაში ჩემს კოლეგასთან და ხელისუფლების სხვა წარმომადგენლებთან. შეხვედრები გვექნება ევროკავშირში და სიტყვით გამოვალ ევროპარლამენტის თავდაცვისა და უშიშროების კომიტეტში. ვიზიტს კი ბაქოში ორმხრივი შეხვედრით დავასრულებთ“,-განაცხადა თინათინ ხიდაშელმა.