Iverioni
«    მარტი 2020    »
 1
2345678
9101112131415
16171819202122
23242526272829
3031 
მარტი 2020 (18)
თებერვალი 2020 (7)
იანვარი 2020 (2)
დეკემბერი 2019 (12)
ნოემბერი 2019 (18)
ოქტომბერი 2019 (5)
21-01-2016, 10:46
ნანახია: 733

პარლამენტში

დღეს, 21 იანვარს, შს სამინისტრო "საგზაო მოძრაობის შესახებ" კანონსა და "ადმინისტრაციულ სამართალდარღვევათა კოდექსში" შესატან ცვლილებებების პროექტს წარადგენს. ცვლილებების განხილვა პარლამენტის დარგობრივი ეკონომიკისა და ეკონომიკური პოლიტიკის კომიტეტში დღეს დაიწყება.

 

საკანონმდებლო ცვლილებების თანახმად,  ადმინისტრაციული ჯარიმა 200-დან 300 ლარამდე იმ პირის მიმართ იზრდება, რომელიც საქალაქო, საქალაქთაშორისო ან საერთაშორისო რეისებით მგზავრების რეგულარული გადაყვანისას სიჩქარეს გადააჭარბებს.ასევე, შემხვედრი სატრანსპორტო ნაკადის გამყოფი უწყვეტი ღერძულა ხაზის გადაკვეთისა და საპირისპირო მიმართულებით მოძრაობაზე, წესდება ახალი ადმინისტრაციული ჯარიმა - 300 ლარის ოდენობით.

 

10 ლარის ნაცვლად, 30 ლარი იქნება ჯარიმა ავტომობილის მართვის დროს, მობილური საშუალებით სარგებლობისთვის. მკაცრდება ადმინისტრაციული პასუხისმგებლობა მძღოლის მიერ ქვეითად მოსიარულეებთან მიმართებაში წესების დარღვევაზეც. კერძოდ, პირველი დარღვევის შემთხვევაში ჯარიმა იქნება - 40 ლარი, იმავე ქმედების განმეორებით ჩადენის შემთხვევაში კი - 150 ლარი.ძალაში რჩება ალკოჰოლის ზემოქმედების ქვეშ მყოფი მძღოლისთვის ავტომანქანის მართვის მოწმობის 6 თვით შეჩერება, თუმცა, თუკი ჯერ კიდევ მოქმედი კანონით, მოქალაქეს შეუძლია, მართვის უფლების აკრძალვის მეორე დღიდანვე მისი ჯარიმით შეცვლა მოითხოვოს, ცვლილებებით, პირს ასეთი უფლება მხოლოდ 3 თვის გასვლის შემდეგ ექნება.

 

როგორც უკვე ცნობილია, საკანონმდებლო ცვლილებები ასევე შეეხება მარჯვენასაჭიანი და საჭეგადატანილი მანქანების რეგისტრაციის აკრძალვას და მართვის მოწმობებზე100-ქულიანი სისტემის დაწესებას. საკანონმდებლო პაკეტით 3-დან 6-წლამდე ავტომობილები შეღავათიანი დაბეგვრის რეჟიმში ექცევა, ხოლო მნიშვნელოვნად იზრდება აქციზის გადასახადი 9 წელზე მეტი ასაკის ავტომობილებისთვის.