Iverioni
«    აპრილი 2020    »
 12345
6789101112
13141516171819
20212223242526
27282930 
აპრილი 2020 (3)
მარტი 2020 (18)
თებერვალი 2020 (7)
იანვარი 2020 (2)
დეკემბერი 2019 (12)
ნოემბერი 2019 (18)
26-01-2016, 15:55
ნანახია: 736

გიორგი მარგველაშვილი საარჩევნო გარემოს გაუმჯობესებაზე მომუშავე არასაპარლამენტო ოპოზიციის ინტერპარტიულ ჯგუფს შეხვდა

საქართველოს პრეზიდენტი საარჩევნო გარემოს გაუმჯობესებაზე მომუშავე არასაპარლამენტო ოპოზიციის ინტერპარტიულ ჯგუფს შეხვდა. შეხვედრას ესწრებოდნენ ოპოზიციური პოლიტიკური პარტიების ლიდერები.

 

საქართველოს პრეზიდენტის, გიორგი მარგველაშვილის განცხადებით, საქართველოს პრეზიდენტის ადმინისტრაცია ჯერ კიდევ შარშან აქტიურად ჩაერთო პროცესში, რათა საარჩევნო საკითხების განსახილველად შექმნილიყო ფორუმი და მომხდარიყო კონსენსუსი პოლიტიკურ ძალებს შორის ძირითადი თამაშის წესებთან დაკავშირებით.

 

„მივესალმები იმ პროცესს, რომელიც დაიწყო პრემიერმინისტრთან საარჩევნო კოდექსის საკითხებზე, რადგან მეტი გახსნილობა, როგორც პოლიტიკური ოპონენტების, ასევე სამოქალაქო სტრუქტურების ჩართვის თვალსაზრისით, საქართველოში ევროპული პოლიტიკური კულტურის დაფუძნების წინაპირობაა. 

 

ასეთი დისკუსიები, რა შედეგისკენაც არ უნდა იყოს ორიენტირებული, მიგვიყვანს მეტ თანხმობამდე, რაც ნიშნავს ქართული პოლიტიკური კულტურის უფრო მაღალ ევროპულ სტანდარტებამდე აწევას“,- განაცხადა საქართველოს პრეზიდენტმა.

 

რაც შეეხება ოპოზიციური პოლიტიკური პარტიების ინიციატივას, საარჩევნო საკითხებზე საკონსტიტუციო ცვლილებების განსახილველად რიგგარეშე სხდომის მოწვევასთან დაკავშირებით, საქართველოს პრეზიდენტის გიორგი მარგველაშვილის განცახდებით, ასეთი მოთხოვნა ადმინისტრაციაში ჯერ არ შემოსულა, თუმცა თუ იქნება მოთხოვნა რიგგარეშე სხდომის მოწვევასთან დაკავშირებით, მისი დაკმაყოფილების სირთულეს ვერ ხედავს.

 

„ამ საკითხის განხილვის მნიშვნელობისათვის არაერთხელ გამისვამს ხაზი, თუ მოთხოვნა იქნება, ვერანაირ სირთულეს ვერ ვხედავ იმისათვის, რომ საქართველოს პარლამენტის ტრიბუნა დაეთმოს ასეთი ტიპის განხილვას“, - განაცხადა საქართველოს პრეზიდენტმა.