Iverioni
«    ივნისი 2019    »
 12
3456789
10111213141516
17181920212223
24252627282930
ივნისი 2019 (9)
მაისი 2019 (14)
აპრილი 2019 (9)
მარტი 2019 (9)
თებერვალი 2019 (10)
იანვარი 2019 (13)
15-02-2016, 10:07
ნანახია: 1063

ზაზა ფირალიშვილი: კაცი, რომელმაც მთელი სიცოცხლე ჩვენ მოგვიძღვნა!

რა უნდა თქვა კაცმა ბატონი ბაჩანა ბრეგვაძის გარდაცვალებაზე? ეს ის შემთხვევა იყო, როდესაც ვიცოდი, რომ რომ არსებობდა მშრომელი, გონიერი და ზნეობრივი ადამიანი, რომელმაც მთელი სიცოცხლე ჩვენ მოგვიძღვნა. რაც მან გააკეთა, ყველა ჩვენგანის ცხოვრებას ცვლის და მეტი ნათლით ავსებს - თუნდაც გაგონილიც არ გვქონდეს პლატონის, მარკუს ავრელიუსისა და სხვათა სახელები. თარგმანებისთვის დართული შესავალი ტექსტი და კომენტარები ცალკე დიდ სამეცნიერო ნაშრომს წარმოადგენდა. 

 

მისი "მიქელანჯელოს პოეზია" ჩემთვის დღემდე ესეისტიკის მწვერვალად რჩება. 

 

თუ არა ბატონი გურამ თევზაძის მონდომება, იგი ბოლომდე სამეცნიერო ხარისხის გარეშე დარჩებოდა. აკადემიის წევრადაც ისე აირჩიეს, რომ თავად არ უზრუნია ამაზე. ისე თავისთავად მოხდა, როგორც უნდა მომხდარიყო. 

 

უცნაურია, მაგრამ ასეა: ერთი ადამიანის ჩუმ ღვაწლს ძალუძს გადაარჩინოს ის, რასაც ათასები ანადგურებენ. 

 

მისი არსებობა გავალდებულებს რაღაცას. 

 

ბოლო დღეების განმავლობაში რამდენჯერმე გავიხსენე, რამდენი ხანია, არ მინახავს მეთქი. ჩანს, გული მიგრძნობდა!..