Iverioni
«    სექტემბერი 2018    »
 12
3456789
10111213141516
17181920212223
24252627282930
სექტემბერი 2018 (11)
აგვისტო 2018 (17)
ივლისი 2018 (12)
ივნისი 2018 (12)
მაისი 2018 (9)
აპრილი 2018 (16)
25-10-2016, 10:34
ნანახია: 1477

თემურ შაშიაშვილი: კონსტიტუცია აუცილებლად უნდა შეიცვალოს

მივესალმები ახლად არჩეულ პარლამენტში „ქართული ოცნების“ მიერ საკონსტიტუციო უმრავლესობის შესაძლო მოპოვებას და მიმაჩნია, რომ ახლა ქართული ერის მთავარი ამოცანა პოლიტიკურ პროცესებზე „ნაცების“ გავლენის მოსპობაა.


ჯერ ბატონი შევარდნაძე, მერე სააკაშვილი და ბოლოს ბატონი ივანიშვილი გამუდმებით გაიძახოდნენ ერთსა და იმავეს - გვინდა ეფექტური ღონისძიებების გატარება, მაგრამ ვიღაც გვიშლის ხელსო!

კი ბატონო, მივცეთ ბიძინა ივანიშვილს იმის საშუალება, რომ ხელი არავინ შეუშალოს, დაე საკანონმდებლო უმრავლესობაც მიიღოს და ვნახოთ, რაც იქნება ამით ბიძინა ივანიშვილის მხარეს კი არა ქართველი ხალხის მხარეს ვარ, რომელიც ამ ხნის განმავლობაში პირველად დაფიქსირდა როგორც ოპოზიცია და ხელისუფლების უზურპაციის უფლებას არავის მისცემს.

ვფიქრობ, საუბარი იმაზე, თითქოს ხელისუფლებამ არჩევნები „ქართული ოცნების“ სასარგებლოდ გააყალბა, არასერიოზულია...

არჩევნების გაყალბება ბიძინა ივანიშვილს არანაირად არ სჭირდებოდა და კონსტიტუციური უმრავლესობასაც „ქართული ოცნება“ უპრობლემოდ აიღებდა, რადგან ხალხი გაწამებულია - ვერ გაუგია, ვინ აგებს პასუხს ქვეყანაში შექმნილ სიტუაციაზე.

აქედან გამომდინარე, მივესალმები კონსტიტუციაში სერიოზულ ცვლილებებს და მიმაჩნია, არსებული კონსტიტუცია ისეთ მდგომარეობაშია, რომ უარესი ყოვლად წარმოუდგენელია და იგი აუცილებლად უნდა შეიცვალოს!

თუმცა, არის საშიშროება, რომ ახალი პარლამენტი, „მაფიოზ-ბანკირების უმაღლესი საკანონმდებლო ორგანოდ“ გადაიქცეს, ასეთ შემთხვევაში, ამ პარლამენტს დიდი ხნით არ უწერია არსებობა და მის დასანგრევად ისევ ორი ძალა იბრძოლებს - „ნაცმოძრაობა და „ქართული ოცნება“!