Iverioni
«    აპრილი 2020    »
 12345
6789101112
13141516171819
20212223242526
27282930 
აპრილი 2020 (3)
მარტი 2020 (18)
თებერვალი 2020 (7)
იანვარი 2020 (2)
დეკემბერი 2019 (12)
ნოემბერი 2019 (18)
7-12-2012, 16:59
ნანახია: 891

ალექსი პეტრიაშვილი ევროსაბჭოს საპარლამენტო ასამბლეის წევრებს შეხვდა

ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო  მინისტრი ალექსი პეტრიაშვილი ევროპის საბჭოს საპარლამენტო ასამბლეის წევრი ქვეყნების ნაკისრი მოვალეობებისა და ვალდებულებების შესრულების კომიტეტის თანამომხსენებელს ბორის ცილევიჩსა და კომიტეტის მდივანს ბას კლეინს შეხვდა.


შეხვედრაზე სახელმწიფო მინისტრმა მადლიერება გამოხატა ევროსაბჭოს საპარლამენტო ასამბლეის მიერ მიღებულ რეზოლუციებთან დაკავშირებით. რეკომენდაციები რუსეთის მიერ საქართველოს ტერიტორიების ოკუპაციას აფიქსირებს და ადექვატურად ასახავს ამ რეგიონებში მიმდინარე მილიტარიზაციის პროცესს.


შეხვედრაზე მხარეებმა ისაუბრეს ოკუპირებულ ტერიტორიებზე ადამიანის უფლებათა დაცვის კუთხით არსებული მძიმე ვითარების შესახებაც. ამ საკითხთან დაკავშირებით სახელმწიფო მინისტრმა განსაკუთრებულად აღნიშნა, რომ მნიშვნელოვანია ევროპის საბჭომ სრულად და ეფექტურად გამოიყენოს მის ხელთ არსებული მექანიზმები  ოკუპირებულ ტერიტორიებზე ადამიანის უფლებათა დაცვის მონიტორინგისათვის.


შეხვედრაზე მნიშვნელოვანი  ყურადღება გამახვილდა საქართველო-რუსეთის ურთიერთობის დარეგულირების აუცილებლობაზე. სახელმწიფო მინისტრმა ისაუბრა რუსეთთან დიალოგის დაწყებისთვის ქართული მხარის მზაობაზე. მან ჟენევის მოლაპარაკება  მხარეებს შორის კონფლიქტის დარეგულირების ეფექტურ მექანიზმად შეაფასა.