Iverioni
«    თებერვალი 2020    »
 12
3456789
10111213141516
17181920212223
242526272829 
თებერვალი 2020 (6)
იანვარი 2020 (2)
დეკემბერი 2019 (12)
ნოემბერი 2019 (18)
ოქტომბერი 2019 (5)
სექტემბერი 2019 (1)
4-05-2014, 18:39
ნანახია: 640

ხვალ საქართველოში ევროპის კვირეული იწყება

 

 ხვალ საქართველოში ევროპის კვირეული დაიწყება. კვირეული ნატოსა და ევროკავშირის შესახებ საინფორმაციო ცენტრის ორგანიზებითა და ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატის მხარდაჭერით იმართება.

ევროპის კვირეული გაიხსნება კონფერენციით "ჩვენი ევროპული არჩევანი", რომელიც ევროკავშირის თემაზე წინასწარ გამოცხადებული ესსეების კონკურსისა და თბილისის სამხატვრო აკადემიაში გამოცხადებული კონკურსის დასკვნით ფაზას წარმოადგენს. კონფერენციას ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ალექსი პეტრიაშვილი და საქართველოში ევროკავშირის დელეგაციის ხელმძღვანელი, ელჩი ფილიპ დიმიტროვი გახსნიან. ღონისძიების ფარგლებში კონკურსებში გამარჯვებული სტუდენტების დაჯილდოება მოხდება, რის შემდეგაც ექსპერტებისა და სტუდენტების მონაწილეობით საქართველოს ევროკავშირთან თანამშრომლობისა და ევროკავშირთან ასოცირების შეთანხმების საკითხებზე დისკუსია გაიმართება.