Iverioni
«    დეკემბერი 2019    »
 1
2345678
9101112131415
16171819202122
23242526272829
3031 
დეკემბერი 2019 (6)
ნოემბერი 2019 (18)
ოქტომბერი 2019 (5)
სექტემბერი 2019 (1)
აგვისტო 2019 (5)
ივლისი 2019 (1)
1-07-2014, 08:35
ნანახია: 1025

უკვე გაგზავნილია გიორგი დგებუაძის საქართველოში ექსტრადიციის მოთხოვნა

   გიორგი დგებუაძე, იგივე "მასტერა", ინტერპოლის ხაზით  2013 წლის 7 მარტიდან იძებნებოდა. ამჟამად ის დაკავებულია ჰოლანდიაში და უკვე გაგზავნილია დგებუაძის საქართველოში ექსტრადიციის მოთხოვნაც. ყოფილ მაღალჩინოსანს ბრალად სამსახურებრივი უფლებამოსილების გადამეტება, თავისუფლების უკანონო აღკვეთა და წამების ორგანიზება ედება. 

   -"ჩვენი ექსტრადიციის შუამდგომლობის საფუძველზე დააკავეს ჰოლანდიაში. ამჟამად საექსტრადიციო პატიმრობაში იმყოფება. ყველა საჭირო საექსტრადიციო მასალა გაგზავნილია ჩვენ კოლეგებთან და იხილება მისი ექსტრადიციის საკითხი. იძებნებოდა ე.წ. ნავთლუღის სპეცოპერაციის საქმეზე და მეორე საქმეა მთავარი პროკურატურის საგამოძიებო დეპარტამენტში და კონკრეტული პირის წამების ფაქტს ეხება. რამდენადაც ჩემთვის ცნობილია, გადაწყვეტილებას ჰოლანდიაში შესაბამისი სასამართლო იღებს, შემდეგ ეს გადაწყვეტილება საჩივრდება ზედა ინსტანციაში და საბოლოოდ, ექსტრადიციის შესახებ გადაწყვეტილებას იუსტიციის მინისტრი იღებს",- განაცხადა საქართველოს მთავარი პროკურატურის წარმომადგენელმა ირაკლი ჩილინგარაშვილმა.