Iverioni
«    აპრილი 2021    »
 1234
567891011
12131415161718
19202122232425
2627282930 
აპრილი 2021 (4)
მარტი 2021 (4)
თებერვალი 2021 (9)
იანვარი 2021 (6)
დეკემბერი 2020 (4)
ნოემბერი 2020 (9)
12-07-2014, 20:42
ნანახია: 757

   კოალიცია "ქართული ოცნება" არჩევნების მეორე ტურის დასრულებას ეხმიანება და "ნაციონალურ მოძრაობას" ურჩევს, "შეეგუოს ბედს, რადგან დამარცხება გარდაუვალია. 

   ამის შესახებ კოალიციის ოფისში გამართულ ბრიფინგზე პარტიის პრეს-სპიკერმა გიორგი გეგეჭკორმა განაცხადა.

   -"როგორც სხვდასახვა საარჩევნო უბნიდან გვატყობინებენ, საარჩევნო უბნებზე "ნაციონალური მოძრაობის" წარმომადგენლებმა მიიღეს დავალება, დააფიქსირონ დარღვევების მაქსიმალურად დიდი რაოდენობა, მიუხედავად იმისა, ჰქონდა თუ არა ასეთ ფაქტებს ადგილი.  ამით "ნაციონალური მოძრაობა" ცდილობს,  არარსებულ დარღვევებზე დაყრდნობით,  რაც შეიძლება მეტი საჩივარი შეიტანოს საარჩევნო ადმინისტრაციაში, ჩრდილი მიაყენოს საარჩევნო პროცესს და მოახდინოს მიმდინარე არჩევნების დისკრედიტაცია. ვთხოვთ არჩევნებში მონაწილე დამოუკიდებელი სადამკვირვებლო მისიებისა და დიპლომატიური კორპუსის წარმომადგენლებს, გააქტიურდნენ, ზუსტად აღრიცხონ უბნებზე მომხდარი  ნებისმიერი სახის დარღვევა და მაქსიმალურად გამორიცხონ სიყალბის ტირაჟირების მცდელობა. "ნაციონალურ მოძრაობას" კი მოვუწოდებთ, შეეგუოს ბედს, რადგან დამარცხება გარდაუვალია და ნუ შეეცდება, მისთვის  ჩვეული პროვოკაციებითა და სიცრუით  მოიპოვოს პოლიტიკური დივიდენდები".