Iverioni
«    აპრილი 2020    »
 12345
6789101112
13141516171819
20212223242526
27282930 
აპრილი 2020 (1)
მარტი 2020 (18)
თებერვალი 2020 (7)
იანვარი 2020 (2)
დეკემბერი 2019 (12)
ნოემბერი 2019 (18)
28-07-2014, 20:20
ნანახია: 743

თეა წულუკიანი:-

   ექს-პრეზიდენტ მიხეილ სააკაშვილისთვის ბრალის წარდგენას იუსტიციის მინისტრი თეა წულუკიანი ეხმიანება და ამბობს, რომ საქართველოში სააკაშვილისთვის არც არავის სცალია და არც უნდა ეცალოს, პროკურატურის გარდა.

 

   -"საქართველოს მთავარმა პროკურატურამ მიხეილ სააკაშვილსა და მისი მთავრობის რამდენიმე მაღალჩინოსანს დღეს ბრალი წაუყენა. კანონის წინაშე ყველა თანასწორია, არც ერთი თანამდებობა არ ნიშნავს იმუნიტეტს −  ეს ასეა ყველა სამართლებრივ, კულტურულ და დემოკრატიულ სახელმწიფოში. იმ მოქალაქეებს, მათ შორის ჟურნალისტებს, ვინც 7 ნოემბრის დარბევა საკუთარ თავზე იწვნია, ეჭვი მაშინვე არ ეპარებოდათ, თუ ვინ გასცა უიარაღო მომიტინგეებისა და ტელეკომპანია "იმედის" დარბევის ბრძანება, თუმცა პროკურატურამ, არა ერთი თვის დაკვირვებული მუშაობის შედეგად, მხოლოდ გამოძიების შედეგად მოპოვებულ მტკიცებულებებზე დაყრდნობით გადაწყვიტა ბრალის წაყენება. დღეს ჩვენ ყველამ ერთად შევიტყვეთ, რომ გამოძიება კონკრეტულ ფაქტებსა და მტკიცებულებებზე დაყრდნობით მიმდინარეობს და თავის ლოგიკურ დასასრულამდეც, იმედია, მივა. მიხეილ სააკაშვილისთვის საქართველოს მთავრობაში არავის სცალია და არ უნდა ეცალოს, პროკურატურის გარდა. პროკურატურას აქვს ვალდებულება,  კანონის წინაშე ყველას თანაბრად მოსთხოვოს პასუხი. ჩვენ კი გვაქვს ვალდებულება, მას გამოძიების მშვიდ პირობებში ჩატარების შესაძლებლობა მივცეთ. საბოლოოდ კი სასამართლო გადაწყვეტს, ვისი არგუმენტია უფრო წონადი. სასამართლო ამ მთავრობის პირობებში არის დამოუკიდებელი, რადგან მასზე აღმასრულებელი ხელისუფლება ზეწოლას არ ახორციელებს. უფრო მეტიც, იუსტიციის სამინისტროს ძალისხმევით, სასამართლოს დამოუკიდებლობის უზრუნველსაყოფად, ბოლო 18 თვის განმავლობაში არაერთი კანონი შემუშავდა. ვიმედოვნებ, ამგვარად გათავისუფლებული სასამართლო მიუკერძოებლობასაც გამოიჩენს და არ ექნება წინასწარ შემუშავებული, რომელიმე მხარისადმი სასარგებლო პოზიცია. მიხეილ სააკაშვილი აღარ უნდა იყოს პირველი, მეორე ან მესამე თემა ჩვენს ცხოვრებაში. ის, როგორც ნებისმიერი მოქალაქე მსგავს სიტუაციაში, თავისუფლად შერჩეული ადვოკატის დახმარებით, დაიცავს თავის პოზიციებს. საკუთარ პოზიციებს დაიცავს პროკურატურაც. ჩვენ კი ვიყუროთ მომავლისაკენ, რომლის შენებასაც თითოეული მინისტრის და მოქალაქის მუხლჩაუხრელი შრომა სჭირდება და რომელიც ევროპული და თითოეულ მოქალაქეზე ორიენტირებული მომავალია. მომავლის მთავრობებისა და ქვეყნის სწორი განვითარებისათვის კი აუცილებელია, რომ კანონის წინაშე ყველა იყოს თანაბარი" - წერს წულუკიანი საკუთარ ბლოგში.

 

   ცნობისთვის,  მიხეილ სააკაშვილს და სხვა ყოფილ მაღალჩინოსნებს დღეს ბრალი წარუდგინეს. საუბარია 7 ნოემბრის, ტელეკომპანია "იმედისა" და ბადრი პატარკაციშვილის ქონების მიტაცების საქმეებზე.