Iverioni
«    ივლისი 2020    »
 12345
6789101112
13141516171819
20212223242526
2728293031 
ივლისი 2020 (4)
ივნისი 2020 (12)
მაისი 2020 (13)
აპრილი 2020 (16)
მარტი 2020 (18)
თებერვალი 2020 (7)
26-08-2014, 11:45
ნანახია: 938

რა გადაწყდება მინსკში?!.

   როგორც უკვე ცნობილია, დღეს მინსკში პეტრე პოროშენკო და ვლადიმერ პუტინი შესაძლოა ერთმანეთს პირისპირ შეხვდნენ. ბელორუსიის დედაქალაქი დღეს მოლაპარაკებებში ჩართულ მხარეებს მასპინძლობს. უკრაინული მედიის ცნობით მინსკში გასამართ შეხვედრაზე განხილული იქნება უკრაინასა და ევროკავშირს შორის ასოცირების შეთანხმების შესრულებასთან დაკავშირებული საკითხები, ენერგეტიკული უსაფრთხოებისა და დონბასში ვითარების სტაბილიზაციის საკითხები. 

   ევროკავშირის მხრიდან მინსკში გამართულ შეხვედრას უმაღლესი წარმომადგენელი საგარეო პოლიტიკისა და უსაფრთხოების საკითხებში კეტრინ ეშტონი, ევროკომისარი ენერგეტიკის საკითხებში გიუნტერ ოტინგერი და ევროკომისარი ვაჭრობის საკითხებში კარლ დე გუხტი დაესწრებიან.

   რაც შეეხება რუსეთისა და უკრაინის პრეზიდენტებს შორის შეხვედრას, რუსეთის პრეზიდენტის პრესმდივნის დიმიტრი პრესკოვის განცხადებით შესაძლო შეხვედრის შემთხვევაში პრეზიდენტები უკრაინის კრიზისის, ჰუმანიტარული დახმარებისა და იძულებით გადაადგილებულ პირთა საკითხებს განიხილავენ. 

   "განხილული იქნება ასევე ორმხრივი ურთიერთობები ევროკავშირსა და უკრაინას შორის ასოცირების შეთანხმების ხელმოწერის კონტექსტში. განსახილველი ბევრი თემაა"-აცხადებს პესკოვი.