Iverioni
«    მარტი 2019    »
 123
45678910
11121314151617
18192021222324
25262728293031
მარტი 2019 (5)
თებერვალი 2019 (10)
იანვარი 2019 (13)
დეკემბერი 2018 (12)
ნოემბერი 2018 (15)
ოქტომბერი 2018 (16)
8-09-2014, 16:46
ნანახია: 567

კულტურის სამინისტროში პროექტების წარდგენის წესი გამარტივდა

   საქართველოს კულტურისა და ძეგლთა დაცვის სამინისტროში პროექტების წარდგენის, განხილვისა და გადაწყვეტილების მიღების წესი გამარტივდა და მოწესრიგდა.


   კულტურის სამინისტროს ინფორმაციით, ცვლილებების თანახმად, გაიწერა პროექტების დაფინანსების ვადები და პროცესი უფრო გამჭვირვალე გახდა. პროექტის განაცხადი დაფინანსების მოპოვებამდე რამდენიმე ეტაპს გადის, რომელიც ღიაა პროექტის ავტორებისათვის. დაფინანსების შესახებ საბოლოო გადაწყვეტილება 30 სამუშაო დღის ვადაში იქნება მიღებული და დაუყოვნებლივ ეცნობება პროექტის ავტორს.

  პროექტების განხილვა და გადაწყვეტილების მისაღებად მომზადება ხდება დარგობრივ დეპარტამენტში, რიგითობის დაცვით, რაც გამორიცხავს სამინისტროს სტრუქტურული ერთეულების მიერ შემოსული პროექტების თვითნებურად შერჩევას.

  გამარტივდა აპლიკაციის შევსების ფორმა საქართველოს კულტურისა და ძეგლთა დაცვის საჯარო სამართლის იურიდიული პირებისათვის.

  საქართველოს კულტურისა და ძეგლთა დაცვის სამინისტროში პროექტების წარდგენის, განხილვისა და გადაწყვეტილების მიღების ახალი წესი 5 სექტემბერს დამტკიცდა.