Iverioni
«    ოქტომბერი 2018    »
1234567
891011121314
15161718192021
22232425262728
293031 
ოქტომბერი 2018 (5)
სექტემბერი 2018 (13)
აგვისტო 2018 (17)
ივლისი 2018 (12)
ივნისი 2018 (12)
მაისი 2018 (9)
30-09-2014, 16:17
ნანახია: 1325

თინათინ ხიდაშელი: შეგვიძლია ვიმსჯელოთ როგორი უნდა იყოს მოსამართლე!

  საპარლამენტო უმრავლესობის წევრი თინა ხიდაშლი აცხადებს, რომ უზენაეს სასამართლოში მოსამართლეების ორ ვაკანტურ ადგილზე პრეზიდენტ გიორგი მარგველაშვილის მიერ  წარდგენილ კანდიდატებს მხარს დაუჭერს.

  "მე მხარი დავუჭირე მათ პირველ შემთხვევაში. ახლაც, რა თქმა უნდა, ვაპირებ, რომ მხარი დავუჭირო. საერთოდ, მგონია, რომ საქართველოში, არავინ მიწყენს, იმედია - თუკი შეგვიძლია ვილაპარაკოთ, როგორი უნდა იყოს მოსამართლე, როგორი წარმოგვიდგენია -  ქართული ოცნება როგორია ქართველი მოსამართლის შესახებ, ნინო ბაქაქური ზუსტად ასეთი კანდიდატურაა. ამიტომ, ჩემი პოზიცია ცნობილია ამ თვალსაზრისით და და არ ვაპირებ მის შეცვლას",-განაცხადა ხიდაშელმა.

  საქართველოს პრეზიდენტმა გიორგი მარგველაშვილმა უზენაეს სასამართლოში მოსამართლეების  ორ ვაკანტურ ადგილზე პარლამენტს კვლავ ნინო ბაქაქურის და ზურაბ ძლიერიშვილის კანდიდატურები წარუდგინა.

  შეგახსენებთ, ქვეყნის პრეზიდენტმა გიორგი მარგველაშვილმა აღნიშნულ თანამდებობაზე დასამტკიცებლად პარლამენტს  ზურაბ ძლიერაშვილისა და ნინო ბაქაქურის კანდიდატურები წარუდგინა, თუმცა დეპუტატების მხარდაჭერა (76 ხმა) ვერც ერთმა კანდიდატმა ვერ მოიპოვა, რის გამოც ადგილი ვაკანტური დარჩა.

  ამასთან დაკავშირებით გიორგი მარგველაშვილმა განაცხადა, რომ  მისთვის გაუგებარი და გასაკვირია, რატომ ჩავარდა მოსამართლეთა კანდიდატურები პლენარულ სხდომაზე, მაშინ, როცა კომიტეტზე მათ მხარდაჭერა მიიღეს.

  ცნობისთვის, ზურაბ ძლიერაშვილს დამთავრებული აქვს ივანე  ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი. 1998-2005 წლებში მას მიენიჭა უნივერსიტეტის იურიდიულ მეცნიერებათა კანდიდატის ხარისხი. 2005-2008 წლებში იყო თსუ-ის სრული პროფესორი, იურიდიული ფაკულტეტის სადისერტაციო საბჭოს წევრი, სამოქალაქო სამართლისა და სამოქალაქო საპროცესო სამართლის საპროფესოროს ხელმძღვანელი. 2013 წლიდან არის საქართველოს ადვოკატთა ასოციაციის საგანმანათლებლო საბჭოს წევრი.

  რაც შეეხება ნინო ბაქაქურს, ის 1998-2004 წლებში მუშაობდა საქართველოს ახალგაზრდა იურისტთა ასოციაციაში სხვადასხვა პოზიციებზე. 2004 წელს მუშაობდა საქართველოს მოსამართლეთა ასოციაციის უფროს იურიდიულ მრჩევლად. 2008 წლიდან დღემდე მუშაობს იურიდიულ კომპანიაში "ნოდია ურუმაშვილი და პარტნიორები" საბანკო და ფინანსური სამართლის ხელმძღვანელად.