Iverioni
«    აპრილი 2020    »
 12345
6789101112
13141516171819
20212223242526
27282930 
აპრილი 2020 (3)
მარტი 2020 (18)
თებერვალი 2020 (7)
იანვარი 2020 (2)
დეკემბერი 2019 (12)
ნოემბერი 2019 (18)
21-10-2014, 11:20
ნანახია: 767

ვანო მერაბიშვილისა და ზურაბ ჭიაბერაშვილის  საჩივარზე  სასამართლო გადაწყვეტილება დღეს გახდება ცნობილი

  ყოფილი პრემიერის ვანო მერაბიშვილისა და ჯანდაცვის ყოფილი მინისტრის ზურაბ ჭიაბერაშვილის სააპელაციო საჩივარზე ქუთაისის სააპელაციო სასამართლო გადაწყვეტილებას დღეს გამოაცხადებს. პროცესი 11:00 საათზეა ჩანიშნული.

  ერთ-ერთი ბრალდებულის ზურაბ ჭიაბერაშვილის განცხადებით, ბრალდების მხარეს პირველი ინსტანციის სასამართლოში საქმის შეკოწიწება გაუჭირდა.

  "ერთი-ორი მოწმე ძლივს მოძებნეს იმისათვის, რომ ის განაჩენი დამდგარიყო, რაც ქუთაისის საქალაქო სასამართლოში მოსამართლე ნათია ბარბაქაძემ გამოიტანა", - აცხადებს ჭიაბერაშვილი.

  ცნობისთვის, დაცვის მხარე ქუთაისის საქალაქო სასამართლოს იმ გადაწყვეტილებას აპროტესტებს, რომლის მიხედვით, დასაქმებისა და კვარიათის აგარაკის ეპიზოდზე მერაბიშვილს 5 წლით თავისუფლების აღკვეთა, ხოლო ჭიაბერაშვილს 50 000 ლარიანი ჯარიმა დაეკისრა.