Iverioni
«    ოქტომბერი 2020    »
 1234
567891011
12131415161718
19202122232425
262728293031 
ოქტომბერი 2020 (6)
სექტემბერი 2020 (6)
აგვისტო 2020 (2)
ივლისი 2020 (6)
ივნისი 2020 (12)
მაისი 2020 (13)
7-11-2012, 13:20
ნანახია: 848

პავლე კუბლაშვილი ივანიშვილს და ალასანიას პოლიტიკურ ანგარიშსწორებაში ადანაშაულებს

 

საპარლამენტო უმცირესობის წარმომადგენელმა პავლე კუბლაშვილმა ბაჩო ახალაიას, გიორგი კალანდაძისა და ზურაბ შამათავას დაკავებას პრემიერ-მინისტრის და თავდაცვის მინისტრის დაკვეთილი პოლიტიკური დევნა უწოდა. 

 

ამის შესახებ განცხადება კუბლაშვილმა დღეს პარლამენტის პლენარულ სხდომაზე გააკეთა.

 

როგორც კუბლაშვილმა განაცხადა, მთელი წინასაარჩევნო პერიოდის განმავლობაში ისმოდა ბრალდებები ყოფილი ხელისუფლების  და განსაკუთრებით ბაჩო ახალაიას  მისამართით.  პროკურატურამ  ერთი დღის ვადაში ,,შეკერა" კონკრეტული საქმე და  თავდაცვის მინისტრი, გენერალური შტაბის უფროსი და ბრიგადის ხელმძღვანელი ,,სასაცილო ბრალდებით" დააკავა.

 

,,ეს არის პირადად ბიძინა ივანიშვილის და ირაკლი ალასანიას დავალებით შესრულებული კონკრეტული პოლიტიკური ანგარიშსწორება. როგორც ჩანს, ბატონმა ალასანიამ ვერც არჩევნების შედეგები  გადაიტანა და ვერც ის, რომ გენერალური შტაბის უფროსს თვითონ ვერ დანიშნავს. ცალსახად ვაცხადებ, რომ თავდაცვის მინისტრი ალასანია ვერც მომავალში   დანიშნავს გენერალური შტაბის უფროსს, იმიტომ, რომ ეს არ არის მისი კომპეტენცია და ვერც ამ ტიპის ხრიკებით ფონს ვერ გავა. ეს არის პირდაპირი პოლიტიკური ანგარიშსწორება, პოლიტიკური დევნა,"- განაცხადა პავლე კუბლაშვილმა.

 მისივე თქმით, არ ღირს ამ საქმის იურიდიულ მხარეზე საუბარი, რადგან მას არანაირი სამართლებრივი საფუძველი არ გააჩნია.