Iverioni
«    მარტი 2020    »
 1
2345678
9101112131415
16171819202122
23242526272829
3031 
მარტი 2020 (15)
თებერვალი 2020 (7)
იანვარი 2020 (2)
დეკემბერი 2019 (12)
ნოემბერი 2019 (18)
ოქტომბერი 2019 (5)
26-11-2014, 16:52
ნანახია: 1394

საიამ საკონსტიტუციო სასამართლოში თავდაცვის მინისტრის ბრძანება გაასაჩივრა

საქართველოს ახალგაზრდა იურისტთა ასოციაციამ სახმელეთო ჯარების ყოფილი მოსამსახურის გიგა ბარათაშვილის სახელით საქართველოს საკონსტიტუციო სასამართლოს მიმართა და მინისტრის ბრძანება გაასაჩივრა.

"გასაჩივრებულია თავდაცვის მინისტრის N583 ბრძანება, რომელიც ითვალისწინებს სამხედრო მოსამსახურის თანამდებობრივ გადაადგილებას (კადრების განკარგულებაში გადაყვანას) ისე, რომ მოსამსახურეს არ განემარტება ამგვარი გადაწყვეტილების მიღების სამართლებრივი საფუძველი. სამხედრო მოსამსახურე კადრების განკარგულებაში იმყოფება ოთხი თვის განმავლობაში. ამ დროის გასვლის შემდეგ, თუ არ მოხდება სახმელეთო ჯარების მოსამსახურის სხვა თანამდებობაზე დანიშვნა, ხდება მისი გათავისუფლება სახმელეთო ჯარების პირადი შემადგენლობიდან.

საიას მიაჩნია, რომ მინისტრის N583 ბრძანება ეწინააღმდეგება საქართველოს კონსტიტუციის 29-ე მუხლის პირველ და მეორე პუნქტს, რომლითაც გარანტირებულია სახელმწიფო სამსახურში თანამდებობის დაკავების, აღნიშნული თანამდებობიდან უსაფუძვლო გათავისუფლებისაგან დაცვის უფლება. ვინაიდან თავდაცვის მინისტრს არ ევალება სახმელეთო ჯარების მოსამსახურეს განუმარტოს თანამდებობიდან გათავისუფლების მიზეზები, აღნიშნული ნორმატიული აქტი არაკონსტიტუციურია", - აცხადებენ საიაში.