თბილისის მოსახლეობას დასუფთავების დავალიანება გაუნულდება
თბილისში 12 000 ოჯახს დასუფთავების დავალიანება გაუნულდება. აღნიშნულზე დედაქალაქის საკრებულოს ქონების მართვისა და საფინანსო-საბიუჯეტო კომისიის თავმჯდომარემ ჯაბა სამუშამ დღეს გამართულ ბრიფინგზე ისაუბრა.
"თბილისის მერიისა და საკრებულოს ერთობლივი გადაწყვეტილებით, თბილისის მოსახლეობას გაუნულდება დასუფთავების დავალიანება. წლების განმავლობაში დაგროვილი დასუფთავების დავალიანება დაახლოებით 12 000 ოჯახს ერიცხება. ჩვენი გადაწყვეტილებით, წლევანდელ წელს ცხადდება ფაქტობრივად ამნისტია. ასეთი კატეგორიის ოჯახებს ვაუჩერის სახით სპეციალურად დაერიცხება აღნიშნული დავალიანების დასაფარი თანხა და აღნიშნული დავალიანება მთლიანად ნულდება. ეს არის დაახლოებით მილიონ ლარზე მეტი", - განაცხადა ჯაბა სამუშიამ.
