გიორგი ვოლსკი: ეს საკითხი ევროპის სახალხო პარტიის სოლიდარობის მნიშვნელოვანმა გავლენამ გადაწყვიტა!
საპარლამენტო უმრავლესობის წევრი, გიორგი ვოლსკი ბრიუსელში საქართველო-ევროკავშირის ასოცირების ხელშეკრულების რატიფიცირებაზე საქართველოს ექს-პრეზიდენტ, მიხეილ სააკაშვილის დასწრებას ეხმაურება და აცხადებს, რომ ეს საკითხი ევროპის სახალხო პარტიის მნიშვნელოვანმა გავლენამ და მათმა უფლებებმა განაპირობა.
"დასაჯდომი თუ დასასწრები ადგილი არის ჩვეულებრივი მოქალაქეთა სექცია. ვნახოთ, თვითონ თუ მოინდომებს. ყოველ შემთხვევაში, უსიამოვნო ფაქტია, რომ ადამიანი, რომელიც ევროპული ფასეულობებისგან შორს დგას, ასეთ ღონისძიებაზეა მიწვეული, მაგრამ სახალხო პარტიის სოლიდარობის მნიშვნელოვანმა გავლენამ და მათმა უფლებამ გადაწყვიტა ეს საკითხი", - განაცხადა ვოლსკიმ.
