თამთა დემურიშვილი: ამ სისტემის მიმართ შიში და უნდობლობა სამუდამოდ უნდა დასრულდეს!

სასჯელაღსრულების სამინისტროს ჯანდაცვის დეპარტამენტის  ხელმძღვანელი თამთა დემურიშვილი facebook-ის საკუთარ  გვერდზე წერს:

"მეგობრებო, დიდი მადლობა ყველას მოლოცვისთვის და კეთილი სურვილებისთვის, ჩემთვის ძალიან მნიშვნელოვანია თქვენი შეფასება, ეს დიდი სტიმულია და ასევე დიდი პასუხისმგებლობაც.

აღსანიშნავია ის ფაქტი, რომ სამინისტროში საუკეთესო გარემოა და ჯანსაღი სიტუაცია, მინისტრის მხარდაჭერით ყველა მოტივირებულია, რომ მაქსიმალური შედეგი აჩვენოს და ერთხელ და სამუდამოდ დასრულდეს ამ სისტემის მიმართ შიში და უნდობლობა.

მთავრობის სრული მხარდაჭერით, პენიტენციურ სისტემაში არასათანადო მოპყრობის სავარაუდო ფაქტები მინიმუმამდე იქნება დაყვანილი და შესაბამისად, ადამიანის უფლებების დაცვის სფერო იქნება მაქსიმალურად გამართული.

ამ ანგარიშს, პერიოდულად აუცილებლად ჩაგაბარებთ..." - წერს დემურიშვილი.