გიორგი მღებრიშვილი: ერთი რამ ზუსტად ვიცი, რომ ციხეებში არავის აღარ სცემენ და აღარ აწამებენ!
სასჯელაღსრულების მინისტრმა გიორგი მღებრიშვილის განცხადებით, ციხეებში არავის აღარ სცემენ და აღარ აწამებენ,
ჟურნალისტების შეკითხვას, აქვს თუ არა ინფორმაცია არასამთავრობო ორგანიზაციების მიერ გაჟღერებული ციხეებში არაადამიანური მოპყრობის ფაქტების შესახებ, განაცხადა, რომ ციხეებში აღარავის სცემენ და აღარავის აწამებენ.
"ერთი რამ ზუსტად ვიცი, რომ ციხეებში არავის აღარ სცემენ და აღარ აწამებენ. თუმცა ერთეულ ინფორმაციებზე, რომელიც ვრცელდება, აღძრულია სისხლის სამართლის საქმეები, შედეგი ჯერ დადებული არ არის და დადასტურებული არც ერთი ინფორმაცია არ არის. ყველა საქმეს, რომელზეც გამოძიება არ არის დაწყებული, სწავლობს გენინსპექცია. შესაძლოა, ორ ადამიანს შორის ჩხუბი მოხდეს, ეს იქნება თანამშრომელს და მსჯავრდებულს შორის, მსჯავრდებულსა და მსჯავრდებულს შორის, თუმცა, ამაზე მკაცრი რეაგირება აქვს სამინისტროს", - განაცხადა გიორგი მღებრიშვილმა.
