ევროსაბჭოს საპარლამენტო ასამბლეამ უკრაინის მხარდამჭერი რეზოლუცია დაამტკიცა
ევროსაბჭოს საპარლამენტო ასამბლეამ ხმათა უმრავლესობით რეზოლუცია დაამტკიცა. რეზოლუციაში უკრაინაში არსებულ ვითარებასა და რუსეთის მიერ ტერორიზმის დაფინანსების დაუშვებლობაზეა საუბარი.
რეზოლუციის ტექსტს მხარი 140-მა დეპუტატმა დაუჭირა, 7 წინააღმდეგი იყო, 8-მ თავი შეიკავა.
ასევე დამტკიცდა უკრაინის მიერ ინიცირებული შესწორება რეზოლუციაში, რომელიც რუსეთისადმი მოწოდებას მოიცავს, თავი შეიკავოს აღმოსავლეთ უკრაინაში ტერორისტების დაფინანსებისა და უკანონო შეიარაღებული დაჯგუფებების მხარდაჭერისგან, აგრეთვე დაიცვას "მინსკის შეთანხმება".
