ვახტანგ გომელაური: არ დავუშვებთ, ქვეყანაში დესტაბილიზაცია არ მოხდება!

საქართველოს შინაგან საქმეთა მინისტრი ვახტანგ გომელაური მოსალოდნელ დესტაბილიზაციასთან დაკავშირებით ალექსანდრე ჭიკაიძის მიერ რამდენიმე თვის წინ გაკეთებულ განცხადებას ეხმაურება.

გომელაური აცხადებს, რომ ქვეყანაში დესტაბილიზაციას არ დაუშვებენ, რადგან ეს ქვეყანას სერიოზულად უკან დახევს.

"როცა ალექსანდრე ჭიკაიძემ ეს განცხადება გააკეთა, რაღა თქმა უნდა, იყო ოპერატიული ინფორმაცია. ახლაც არის ინფორმაციები, მაგრამ არ დავუშვებთ, ქვეყანაში დესტაბილიზაცია არ მოხდება. ჩვენი ქვეყნის წინსვლისთვის მნიშვნლოვანია სტაბილურობა, რათა ინვესტიციები შემოვიდეს. ახლა გახლდით რიგაში ვიზიტად ვიზალიბერალიზაციისთვის საკითხზე, ძალიან მნიშვნელოვანი შეხვედრები მქონდა. შევხვდით ევროკავშირის მაღალი თანამდებობის პირებს და ისინიც გვიცხადებენ დიდ მხარდაჭერას. ჩვენ არ დავუშვებთ ქვეყანაში დესტაბილიზაციას, რადგან ეს იქნება ჩვენი ქვეყნის სერიოზული უკან დახევა. ჩვენს ქვეყანაში დესატბილიზაცია გამოიწვევს იმ მონაპოვრის დაკარგვას რასაც ქვია ევროკავშირისკენ სწრაფვა.", - აცხადებს გომელაური.