ვინ ესროლა საკონტროლო ტყვია ვაზაგაშვილსა და ალექსანდრე ხუბულოვს?

საგამოძიებო ორგანოს ინფორმაციით, დადგენილია, რომ ზურაბ ვაზაგაშვილსა და ალექსანდრე ხუბულოვს საკონტროლო ტყვია გიორგი ცააძემ ესროლა. ცააძე უკვე დაკავებულია.
"გიორგი ცააძე, წინასწარ შემუშავებული გეგმის თანახმად, ირაკლი ფირცხალვას მიერ ორგანიზებული დანაშაულის დაფარვის, თვითმხილველი მოწმეების განადგურების და წარმატებული ოპერაციის დასრულებაში დარწუნების მიზნით, მიუახლოვდა ავტომობილს, რომელსაც ზურაბ ვაზაგაშვილი მართავდა და ცეცხლსასროლი იარაღით საკონტროლო ტყვიები ესროლა სალონის წინა ნაწილში მჯდომ ზურაბ ვაზაგაშვილსა და ალექსანდრე ხუბულოვს," - განაცხადეს პროკურატურაში.
პროკურატურის ინფორმაციით, სპეცოპერაციის დროს ავტომობილის მიმართულებით 97-ჯერ ისროლეს.  ზურაბ ვაზაგაშვილს სხეულზე აღენიშნებოდა 8 ცეცხლსასროლი ჭრილობა, ალექსანდრე ხუბულოვს - 9 ცეცხსასროლი ჭრილობა, მრავლობითი ჭრილობები ჰქონდა მიყენებული ასევე ბონდო ფუთურიძესაც. ინფორმაციას ამის შესახებ პროკურატურა ავრცელებს.