დავით საგანელიძე:აჭარაში ვადამდელ არჩევნებზე საუბარი არ არის
"აჭარაში არანაირ ვადამდელ არჩევნებზე საუბარი არ არის",-ამის შესახებ საპარლამენტო უმრავლესობის ლიდერმა დავით საგანელიძემ კოალიცია "ქართული ოცნების" პოლიტსაბჭოს სხდომის დასრულების შემდეგ განაცხადა.
დღეს გამართულ სხდომაზე განხილვის ერთერთი თემა აჭარის უმაღლეს საბჭოში განვითარებული მოვლენები იყო.
აჭარის უმაღლესი საბჭოს სხდომაზე ღია კენჭისყრა გაიმართა და ორივე საკითხმა აუცილებელი 11 ხმა აიღო. მათ თანამდებობიდან გათავისუფლებას მხარი დაუჭირა რვავე წევრმა "ერთიანი ნაციონალური მოძრაობიდან", დამოუკიდებელმა დეპუტატმა მედეა ვასაძემ და "ქართული ოცნებიდან" ჯემალ ფუტკარაძემ და სვეტლანა კუდბამ.
